FATHER OF THE POOR IN MYANMAR COUNTRY

We Myanmar people Love You(Way Luh Kyaw) and appreciate You for Your Attitude and good deeds. Even if Other people despise you For your good deeds, we stiil love you and stand with You. We give you A very high degree of Honor. We give you a special place in our hearts. You will be remained in our hearts always. You are the Father of the Poor in Myanmay Country!

With Regards! We Salute You!

Thlahtu Bul chhuina

SIALCHHUNG THLAHTU SAPHUNTE

  Kei he lehkha ziaktu hi Sialchhung thlah kalzel a mi ka ni a,kan thlahtu saphunte
  in dawtzel a ziakna list (Our Generations)hi  ka theihtawpin ka chhui ve a,
  duh angin Record hlui tak tak hmuh tur nei lo mah ila he ti zawng hi chu a tawk
  thaw khat ve viau chuan ka ring a ni.
  
  Kapu.lalsiama thlahtu lam                   Kapi.Piangmawii thlahtulam
 
 1.Neihhrima                                                                                                                         
 2.Hualthana    --------------------------1.Hualthana
 3.Kawlsavunga                                2.Darhawka
 4.Thangchima                                 3.Tlangchhuma
 5.Neihvunga(Pathawta)                   4.Kapi.Piangmawii
 6.Hrangvela                                    A unaute:
 7.Lalsiamchhunga                            a.Liantawna
 8.El.sona                                        b.B.A Chhuanvawra
 9.C.lmawia                                     c.B.A  Lalthianghlima
                                                      d.Kapthangi
                                                      e.Thangnguri
                                                      f.Lalthansiami

Mihausate leh Miretheite Khaikhinna

Khawvelah hian natna chi hrang2 in sawisiak ila a sawi thei fe fe kan tam ngawtin ka ring.A chhanchu Khawvel hi natna Buk a nih tawh vang a ni.
Tuna thupui ka rawn tarlan Miretheite leh mi hausate khaikhinna tih hi He khawvela natna danglam tak a nih ka ring aa ka theih ang tawkin ka rawn chhawpchhuak ve dawn a ni.


He khawvel ah hian Natna avanga mitam tak an boral muah muah lai hian
mitam zawkte hi chu retheihna a vanga mualliam ta tamtak an awm bawk
a ni.Lungngaihnate,Hreawmnate,Tahnate,Mithil awhnate,Rukruknate,
rualban lohnate,Mi nekchepnate,mitena engmaha ngahloh nate,Sum pai
neih lohte,Tuma biangbiak hlawhlohna te,thiante zinga hnungbera awm
thinna te,Silh leh fen hak tur tlak chhamna te,Ei tur neih lohna te..leh
Dam loh ni khuaa in enkawlna tur sumpai neih lohna te avangin miretheite
hi Mual kan liamta zung2 mai a nih hi.Mihausate an thihin Engnatna nge
tiin mitamtakin kan buai pui em em thin.A dik reng a ni:mihausate khi han
en mahteh thin vungnatna,chuapronatna,Cancernatna,zunthlumnatna,
thisen thlumnatna,Kalna,AIDS,etc. natna tein an liam ve zung2 ta tho mai.
Miretheite rawh chu retheihna avangin Damdawiin kan pan ngai lo..thlan
thimmup chhunga zalh kan hlawh zawk thin a nih kha.Mi hausate khian
Rualan ban lo tihte,sumpailam natnate,silh leh fen natnate,mithil awhna
natnate,mi nek chepnate leh thil chi hrang2 ah buaina an nei awm love.
Miretheitetan he khawvel hi lungngaihna thlan kautlang a nih laiin..AN
tan erawh chuan nun hlimna tlang a ni thung a ni.

Miretheite erawh he khawvelah lungngaihna chi hrang2 tawkin kan nun
hmangthin mah ila..Lal Isua Krista min tiam hmunah chuan tahna a awm tawh
lovanga,natna a awm tawh lovanga,thihna a awm tawh hek lo vang.
Kan tawrh tak zawng2te chu rulh leh kan ni ang..Hla siamtuin He leiram
mi kan ni lo khualzin kal lai ang mai kan ni a tih angin He khawvel thlahlel
a hmangaihtu a piang chu ramtiam chu an hnuchhawn a ni a tih theih.
Bawngpa leh sakeibaknei hmunkhata chaw an ei na hmun leh..Rulmuk
ko tlanga nausen te tual lenna tur hmun khi awm ta lo se kei ni mirethei
te tan hian tlak chham na reng2 a awm lovang tih thu kha tlak chhamna
hlir a ni dawn chu a ni si a.Retheihna avangin thihna tem mah ila,
kan chan leh tur hmun nuam chatuan hmun nena khaikhin chuan
kan tawrhnate hi nep tak a ni.Mihausate tan Pathian ram luh a harna
chu Pathian aia hmangaih an neih zawk vang a ni.Thupuana kan hmuh
angin I hmangaih hmasa kha hmangaih lehin tuna i thil tih kha bansan
rawh tih a ni.


I nihna hriala,miten an ngaih ang che erawh chuan nung kher suh!
I nihna kha Lungawi takin pawm mai la..tihtur a tuk sak che kha
rinawm takin ti zo zawk rawh!Chu chu a thu tiam ropui ber chu a ni
(Mt.28:18-20)

 By:C.lmawia

Mihausate leh Miretheite Khaikhinna

Khawvelah hian natna chi hrang2 in sawisiak ila a sawi thei fe fe kan tam ngawtin ka ring.A chhanchu Khawvel hi natna Buk a nih tawh vang a ni.
Tuna thupui ka rawn tarlan Miretheite leh mi hausate khaikhinna tih hi He khawvela natna danglam tak a nih ka ring aa ka theih ang tawkin ka rawn chhawpchhuak ve dawn a ni.


He khawvel ah hian Natna avanga mitam tak an boral muah muah lai hian
mitam zawkte hi chu retheihna a vanga mualliam ta tamtak an awm bawk
a ni.Lungngaihnate,Hreawmnate,Tahnate,Mithil awhnate,Rukruknate,
rualban lohnate,Mi nekchepnate,mitena engmaha ngahloh nate,Sum pai
neih lohte,Tuma biangbiak hlawhlohna te,thiante zinga hnungbera awm
thinna te,Silh leh fen hak tur tlak chhamna te,Ei tur neih lohna te..leh
Dam loh ni khuaa in enkawlna tur sumpai neih lohna te avangin miretheite
hi Mual kan liamta zung2 mai a nih hi.Mihausate an thihin Engnatna nge
tiin mitamtakin kan buai pui em em thin.A dik reng a ni:mihausate khi han
en mahteh thin vungnatna,chuapronatna,Cancernatna,zunthlumnatna,
thisen thlumnatna,Kalna,AIDS,etc. natna tein an liam ve zung2 ta tho mai.
Miretheite rawh chu retheihna avangin Damdawiin kan pan ngai lo..thlan
thimmup chhunga zalh kan hlawh zawk thin a nih kha.Mi hausate khian
Rualan ban lo tihte,sumpailam natnate,silh leh fen natnate,mithil awhna
natnate,mi nek chepnate leh thil chi hrang2 ah buaina an nei awm love.
Miretheitetan he khawvel hi lungngaihna thlan kautlang a nih laiin..AN
tan erawh chuan nun hlimna tlang a ni thung a ni.

Miretheite erawh he khawvelah lungngaihna chi hrang2 tawkin kan nun
hmangthin mah ila..Lal Isua Krista min tiam hmunah chuan tahna a awm tawh
lovanga,natna a awm tawh lovanga,thihna a awm tawh hek lo vang.
Kan tawrh tak zawng2te chu rulh leh kan ni ang..Hla siamtuin He leiram
mi kan ni lo khualzin kal lai ang mai kan ni a tih angin He khawvel thlahlel
a hmangaihtu a piang chu ramtiam chu an hnuchhawn a ni a tih theih.
Bawngpa leh sakeibaknei hmunkhata chaw an ei na hmun leh..Rulmuk
ko tlanga nausen te tual lenna tur hmun khi awm ta lo se kei ni mirethei
te tan hian tlak chham na reng2 a awm lovang tih thu kha tlak chhamna
hlir a ni dawn chu a ni si a.Retheihna avangin thihna tem mah ila,
kan chan leh tur hmun nuam chatuan hmun nena khaikhin chuan
kan tawrhnate hi nep tak a ni.Mihausate tan Pathian ram luh a harna
chu Pathian aia hmangaih an neih zawk vang a ni.Thupuana kan hmuh
angin I hmangaih hmasa kha hmangaih lehin tuna i thil tih kha bansan
rawh tih a ni.


I nihna hriala,miten an ngaih ang che erawh chuan nung kher suh!
I nihna kha Lungawi takin pawm mai la..tihtur a tuk sak che kha
rinawm takin ti zo zawk rawh!Chu chu a thu tiam ropui ber chu a ni
(Mt.28:18-20)

 By:C.lmawia

SCIENCE LEH PATHIAN THU

SCIENCE LEH PATHIAN THU

1 Corinthians 2:5 by Rev. Vanlalzuata

Science leh Technology lama mihringte finna sang chho zel hian Pathian hmel a hliah thei a, a tiropui thei bawk a. Kan Bible chuan, “Mihring rilruah chuan chatuan a dah a, mahse chuti chung pawhin anni chuan Pathianin a tir ata a tawp thlenga a thiltih chu an hmuchhuak thei chuang lo,” tiin min hrilh a (Thuh. 3:11).

Series:Bible

More Sharing ServicesShare

Tin, in rinna chu mihring finnaa innghat lovin, Pathian thiltihtheihnaa innghata a awm theih zawkna turin, ka \awngka chhuak leh ka thu hrilhte chu thufinga thlemna thuin a ni lo va, Thlarau leh thiltihtheihna hriattirin a nih zawk kha (I Kor. 2:5).

Science leh Technology lama mihringte finna sang chho zel hian Pathian hmel a hliah thei a, a tiropui thei bawk a. Kan Bible chuan, “Mihring rilruah chuan chatuan a dah a, mahse chuti chung pawhin anni chuan Pathianin a tir ata a tawp thlenga a thiltih chu an hmuchhuak thei chuang lo,” tiin min hrilh a (Thuh. 3:11). Bible hian Scientist-te finna hi a lo lehkhalh daih tawh a, Bible-in a sawi ang zelin mi fingte hian thil an hmu chhuak zawk \hin a, Bible kal pelin finna an nei lo a ni. Kum 1969-a Neil Armstronga leh a \hian pahnihte thlaa an lawn dawn khan Pathian ropuizia an hmuchhuak nasa hle a, “Lalpa, i thil siam awmzia kan lo hriat phak loh lutuk avangin min ngaidam ang che,” tiin an \awng\ai hial a ni. Russia-ho van sang lawn ve thung chuan, “Pathian awmna reng reng kan hmu lo,” an ti thung a. Charles Darwin-a chuan mihring \obul a chhui a chhuina lamah mihringte hi Zawng thlah kan nih theih dan a hmuchhuak a.

Khawvel finna hmangin Pathian thu hi hriat fuh theih a ni lo va, Pathian thu a\ang erawh chuan khawvel finna hi a thlir thiam theih thung a. Chu chu sawiin Paula chuan, “Pathian finnaah chuan khawvelin finna hmanga Pathian an hriat theih loh hnuin, thu hril âtthlak hmanga a ringtute chhandam chu Pathianin \ha a ti hle si a,” tiin min hrilh a (1.Kor. 1:21). Scientist-te zingah pawh mihring finna ringawta thil chh<t mi an awm a, Pathian finna hmanga thil zir chhuak an awm bawk a. Chungte chu tawi t> t>in lo thlir ila.

1. Columbus-a (1451-1506) chuan 1492 vel khan America a hmu chhuak a. Galileo (1564-1642) chuan 1580 vel khan khawvel hi a m<m a ni tih a rawn hmu chhuak ve leh a. Amaherawhchu Galileo pian hma daih B.C 700 velah khan zawlnei Isaia chuan, “Ani chu leilung kual khung chhungah a \hu a ni,” tiin lei mumzia thu hi a lo puang chhuak daih tawh a ni (Isa. 40:22).

2. Dr. Harvey (1578-1657) chuan mihring nunna hi thisenah a awm tih a hmu chhuak a. Kum sang tam tak kal liam tawhah khan Bible chuan, “Thisenah chuan nunna a awm si a,” tiin a lo sawi daih tawh a (Lev. 17:11).

3. Sir Isaac Newton-a (1642-1727) chuan lei hipna (gravitation) a hmu chhuak a. Chumi hma daih kum zabi sawmthum vel kal taah khan Bible chuan, “Hmun ruakah chuan hmar a tipharh a, lei chu engmah lovah a khai kang a,” tiin lei hipna thu hi a lo sawi daih tawh a ni (Job. 26:7,8).

4. Torricelli (1608-1647) chuan 1643 khan boruak tehna (barometre) hi a hmu chhuak a. Chumi hmang chuan boruak hian rihna a nei tih an hmu chhuak ta a. Chumi hma kum sang tam kal tawhah khan Bible chuan, “Thli chak dan a teh lai leh tuite a teh lai khan...” tiin Pathianin boruak tehna a siam thu a lo sawi daih tawh (Job. 28:25).

5. Galileo-a khan vana arsite khi chhiar sen lohva tam an nihzia a lo hmu chhuak a. Chumi hma daih kum sanghnih kal tawhah khan Bible chuan arsite khi chhiar sen lohva tam an nihzia a lo sawi daih tawh a (Jer. 33:22). Scientist-te chuan >ng \ai darh vel dan (law of transmission of light) an hmuh chhuah hma daih khan, Pathian chuan, “Eng lo awm rawh se,” a tih kha, a \ai darh dan a lo sawi daih tawh bawk (Job. 38:24).

6. Scientist-te chuan thil sakhat reng reng hi a ral thei lo va, thil dangah a chang (transform) mai a ni, an ti a. Entir nan, thing kan tuah a, keini chuan a ral vekin kan hria a; mahse a khu leh a vâp chu thil dangah a chang a, a ral lo a ni, an ti a. He thu hi an hmuh chhuah hma daih khan Bible chuan, “ Thil awm mekte hi lo awm tawh sa kha a ni a, thil lo awm turte chu lo awm tawh sa bawk kha a ni, Pathian chuan a bo tawhte kha a rawn la kir leh zel a ni,” a lo ti hmiah tawh (Thuh. 3:15).

7. Scientist-te chuan van lam chanchin khi an han zir chiang deuh deuh va, Van thengrengah khian arsi bawmpui (Nebula) maktaduai tam tak awmin an hria a. Chumi zinga pakhat chu Mizoten ‘thlasik kawng’ (milky way) kan tih khi a ni a. Thlasik kawng chhungah khian arsi maktaduai tam tak an awm a, chumi zingah chuan Ni leh a vela inher ho ( solar system) an tel ve a, kan awmna lei pawh chumi solar system zinga pakhat chu a ni a. Eng hi second khatah km. 300,000 a kal thei a, chu chu ‘>ng kum’ (light year) an vuah a. Êng kum anga chak hian thlasik kawng khi a kam lehlam a\angin a kam lehlamah zin dawn ta ila kum 1,00,000 kan thang ang, an ti a. Kan awmna lei leh Ni inkar hlatzawng chu km. 1,49,407,000 a ni a, Ni a\angin >ng hian minute riat leh second thumah kan lei a lo thleng thla hman a ni.

Thlasik kawng khi a chhunga arsi maktaduai tam takte nen second khata km. 600 vela chakin chhun leh zan chawl lovin a thlawk fua fua a. Chutiang bawkin arsi bawm pui dang maktaduai têlte pawh chu an ban tur ban hman loh hlau ni âwm fahranin mahni kawng \heuhvah an thlawk fua fua bawk a. Kan awmna lei pawh hian ni khi eng lai pawhin a hel ve reng a, kum khat chhungin vawi khat a hel chhuak a. Chutih laiin ni hel reng chungin amah hi a vir reng bawk a, darkar 24-ah vawi khat a vir chhuak a, chu chu ni khat kan tih hi a ni a.

Heng arsi chhiar sen rual lohte, anmahni kawng \heuhvah insu buai hauh lova an thlawk fur fur reng mai hian Siamtu thiltihtheihzia a lantir nasa hle mai. Heng zawng zawngte pawh hi kan Bible bawkin a lo sawi zo vek tawh. Sam 19-na pum pui hi han chhiar chhuak ila a ngaihnawm em em a ni. “Vante khian Pathian ropuizia a hriattir a,” tiin a \an a. Thusawi reng reng leh \awng reng reng awm si lovin, chhun hian chhun hnena thu a sawi chhawn dan te, zanin zan hnena thu a sawi chhawn dan te a tar lang a. Mi chak tak anga a tlan thu leh, a tlan kualna chu kawlkil tawp a\anga a tawp lehlam thleng a nih thute kan hmu a. Chang sarihna a\ang hian chungho zawng zawng tlan kual velna ruahmantu Lalpa dan leh a remruatna chu a tak a, a fel vel vekzia kan hmu a. A tlangkawmnaah chuan, “Ka kâa thu chhuakte leh ka ngaihtuahnate hi i mithmuhah lawmtlak takin awm rawh se,” tiin Pathian kutah a inpumpek tawp mai a ni.

Lal Davida chuan zan thla >ngah chung lam arsite khi a han thlir vang vang a. A puan inah a lut leh a, a \ing\ang a va kaih mar sauh sauh va, a lo chhuak leh a. Van lam thlir chungin, “I van i kut chhuak te, thla leh arsi i ruat hote khi ka ngaihtuah chang chuan, mihring hi eng nge maw a niha i hriat reng \hin ni?” tiin hla thar, ruah \ham loh a phuah chhuak ta zawih zawih mai a (Sam 8:1ff). A hla phuah tlang kawm nan chuan, “Aw Lalpa, kan Lalpa, lei chung zawng zawngah hian i hming chu a va \ha >m!!” tiin lai khuma zâl turin a puan inah a lut leh ta a ni. Pathian mite hian chung lam leh hnuai lam an thlir hian Pathian kut hnu ropuizia an hmu a, Pathian an fak \hin a ni.

Carl G. Boberg-a pawh hian chung lam leh hnuai lam a thlir vang vang a. Chung lam arsite avangin Pathian a fak a, ngaw pui hring dup mai leh, thingzara sava hlim thawm hram ri nak nakte chuan Pathian mawizia tar langin a hria a. Ngawpui hnuaia lui t> luang ri her herte leh khualzin chaute tiharh tura thlifim thaw heuh heuhte pawh chuan a thinlung a titui ral zo va. “Chutin fak che thlain a nuam Lalpa, aw ropui ber,” tiin a au chhuak a. Chu chu hlain a phuah zui ta a, a lehlin hlui kha mawi ka tih zawk avangin, a lehlin hlui ang khan ziak ila –

Aw Lal Pathian, i kut chhuak thilsiam tinreng,

Ka ngaihtuahin lunglai zawng a vai e;

Zantiang siar zozai leh chung khawpui ri,

Chung lam hnuai lam, tinkim thil dangte nen.

Chutin fak che thlain a nuam Lalpa,

Aw ropui ber, aw ropui ber!

Lentupui thing tin leh ram hmun tin ka thlirin,

Sirva zai mawi saten thing tin awi e;

Khua chuan ila, tlang sang tinreng a\angin,

Damten luang e, lui leh thlifim nuamte. Etc.

Vawi khat chu K.C Sen-a hian a varandaa pangpar mawi tak mai chu a thlir vang vang a, “Aw pangpar, i va mawi em em ve âw; mahse i mawina hi nangmah a\anga chhuak a ni lo va, Pathian mawina chu boruak a\ang khian a lo chhuk a, lei hnuaiah a lut a, lei \haah a inphum a, chu chu i zungin a hip a, i pârah a rawn inlar ta a ni,” a ti a. Khawvel mite chuan khawvel mawina hi an thlirin a siamtu mawina an hmu phak lo va, Pathian mite chuan khawvel mite hmuh loh an hmu ru kiau \hin a ni. Chu chu kan Pa ram thil, khawvel mite hriat loh a ni. Paula pawhin, “ A siamtu biak aiin a siama chu biain a rawng an bawl ta zâwk a. A Siamtu chu chatuana fak tlak a ni. Amen,” a lo ti a nih kha (Rom 1: 25).

Sam 104-na hi Siamtu ropuizia fakna hla a ni a, a ngaihnawm ngawt mai. He hlaah hian leilung nghahchhan hi Pathian phum a nihzia te, lui luang leh tuifawnte pawh hi Pathianin a thunun a, an thlen chin tur a ruahman thu te, Sakeibaknei hahum te pawh hlauhawm lamah ruatsak lovin, Pathian hnena an chaw ei tur an dilna angin a sawi a. Thil nung tinrengte hian a hun taka Pathianin chaw a pek tur chu an nghak vek a ni tiin a sawi a. A tlang kawm nan chuan, “Aw ka nunna, Lalpa chu fak rawh,” tiin amah chu a inpe a.

Joba bu kan chhiar chuan Pathianin tuipui hi a chim chin turte nen lama a ruatsak thu kan hmu a. Tuifawnte pawh hi, “Hetah hian a fawn chu tawp rawh se,” tia Pathianin thu a pekziate kan hmu a (Job. 38: 10,11). Zing, chhun, zan leh khawfing chah hunte hi Pathian remruat a ni (Job.38:4). David Charles-a’n, “Thil t> ber pawh a v>ng, van thil a r>l kim e, Pathian ruat ang zelin engkim a thleng,” tih hla a phuah hian kan thusawi lai hi a nemnghet a. Chu chu tui hnihin Pu Chawngkhupa chuan, “Mihring mihrinna hian a ngaihtuah chhuak zo lova che, ka chhandamtu i thuruk hi,” tiin thlarau pawlna nen hla a lo phuah chhuak bawk a. Pu Ropianga \awng\aiin, “Aw Lalpa, nang chu thil t> ber pawh venga van thil rel kimtu i ni a. Tuipui th<k taka mihringte hmuh phak lohvah, lungpui hnuai lehchhawng tawha chakai insual \helhtu leh an bawppui thlawn tur zawm lehtu pawh i ni a. Kaikuang nau neih hun tur i bituk a, sihs>n ngal hmul zat i bituksak vek a, an thla râng \ialtu i ni e,” a tih hi a dik a ni.

A tawp berah chuan kan sawi tum ber chu thil engkim hi Pathian hriatna tel lo chuan engmah lo mai a ni tih hi a ni. Mi \henkhatten Science subject kan han zir ve d>k d>k a, Bible aiin scientist-te theory eng emaw kan ring zawk mah a. Chutiang mite thiamna chu ‘thiamna kebai’ a ni lo thei lo vang. Scientist-te thil thlir dan chu a nghet lo va, a danglam leh mai \hin a, Bible erawh chu kum sang tam tak kal liam hnuah pawh a ding nghet a, a la danglam ve lo va, a zirtirna hi a thar deuh deuh zawk a ni.

A thukin a va sang >m!

Khawvel fin zawng aiin;

Pathian hmangaihna thu hi,

Van leh khawvela’n a khat e.

Ziaktu:Rev.Vanlalzuata

Post by:C.lmawia

THALAITE LEH THIANGHLIMNA

TLEIRAWLTE LEH THIANGHLIMNA

Bible chang: 

I Peter 1:15-16 a kotu che u a thianghlim angin, nangni pawh in chêtzia zawng zawngah lo thianghlim zâwk rawh u; "Nangni in thianghlim tûr a ni, kei ka thianghlim si a," tih ziak a nih kha.

I Kor 6:19-20 A nih leh, in taksa chu, in chhûnga awm Pathian hnên a\anga in hmuh, Thlarau Thianghlim in a ni tih in hre lo em ni le? Mahni ta pawh in ni lo va, mana lei in ni tawh asin; chuvângin, in taksaah chuan Pathian chawimawi rawh u.

        Mithiamte chuan kriatian nun hi hun pathumah an then a, chungte chu:-

• Thiamchantirna (Justification): Heihi Pathian chhandamna ropui tak mihring ten rinna a vang a, a thlawna kan chan a ni.

• Tih thinghlimna (Sanctification) : Chandamna changtu chu thianghlimna kawngah Krista Isua ang turin a thang zel tur a ni. Mi bawlhlawh kha kraws thisen a tlen fai a lo ni a, he khawvelah pawh a nun a lo thianghlim deuh deuh thin.

•  Tih ropuina (Glorification) : Krista rin vang a thiam chan tirna chang chu thianghlimna kawngah a thang deuh deuh a a tawpah a famkimna chang turin Vanramah lawmluh ani ang. Chutah chuan ropuina a lawmluh niin tih ropuina famkim a chang tawh ang.

       Heng Kristian nun period pathum kan sawi zing a a hmasa ber leh a pathumna ah hian mihring tih ve tur a awm lova, mihring a Pathian hnathawh a thlawna kan dawn tur ani vek mai. A pahnihna tih thianghlimna chiah hi kan tih ve tur chu ani a, a pawimawh em em a ni. Krista thisen avangin kan thianghlim thei anih chu. Chuvang chuan vawinah hian thianghlimna chungchang kan zir dawn ani.

 THIANGHLIMNA AWMZIA:

            Greek tawng chuan ‘Hagiosune’ an ti a, saptawng a an lehlin dan chu sanctity, holiness, separated, difference tih te ani. A awmzia a zau hle mai a. Mizo \awng chuan kawng thumin a sawi fiah theih ang:

1.     Serhhran : A hmanna tur a tan chauha hman tur a dah hran leh serhhran hi thiang hlim (Hagios) chu a ni. A neitu diktak tan chauh  rinawm taka a in serhhran hian mithianghlim a ni. Entirnan – nupui chu a pasal tan chauh nung turin serhhran a ni tawh. A taksa vawng faiin inchei nalh thin hle mahse tlangval dang a kawp chuan mi bawlhhlawh a ni. Keini Kristiante hi neitu nei kan ni a, Krista’n a thisena min lei tawh a vangin kan engkim hi Isua ta a ni a. ( I Kor 6:19 ) Min leitu Isua Kriata tana kan in serhhran hian thianghlim kan ni. Kan taksa pawh hi a neitu Pathian tan hmang lova thilsual tihnan kan hman chuan mi bawlhhlawh kan ni.

2.     Danglam bik: William Barclay – a’n Thianghlim a sawifiah dan chu “ Puithiam chu inthawina hlan tur a nih avangin a inthuam dan leh chet dan hrang hrangah mi naran aiin a danglam (Thianghlim) bik a ni,” a ti. Khawvel mite zingah Kristian dik tak an hriat hran theihna chu an danglam bik \hin hi a ni. Tawngkam, ei leh in duh zawng leh in cheina thleng a danglam ngam te hi Lalpa mit hmuh a thianghlim chu an ni. Khawvel mite tih dan leh chin dan ang ang a nung ve mai lo, Kraws pu ngam, danglam ngam nih hi kan thianghlimna tur chu a ni e.

3.     Awmna tur a awm: Bawlhlawh hi eng nge ni? Mithiamte chuan, “Thil a awmna tura awm lo hi bawlhlawh chu a ni,” an ti a, a dik hle a ni. Thil tenawm leh tawp tak kan tih te pawh hi a awmna tur a an awmlai chuan bawlhhlawh an ni lo, a tangkai em em a ni. Entirnan – Ek, hnap etc. te hi thil tenawm a sawi a ni, amaherawhchu pum chhung a an awmlai leh hnar kaw chhung a an awm thlip thlep lai chuan kan ten lo. A awmna atanga a lo chhuah chiah hian tenawm, bawlhlawh a ni. Chutiang bawk chuan rangkachak pawh hi hlu hle mahse, hnar kaw chhung a dah a nih tlat chun hnawk sak a ni.

      Kristiante hi kan rilru, kan thlarau leh kan taksa a awmna tur dik taka a awm hian kan thianghlim tihna a ni. Lal Isuan, “Keimah-ah awm reng rawh u, kei pawh nang mahni ah ka awm reng ang,” a ti ( Johan 15:4 ). “ Krista Isua a awm te tan chuan thiamloh chan tirna reng a awm tawh lo” (Rom 8:1). Kawng leh lamah chuan kan awm lohna tur hmun a kan awm thin hian mi bawlhlawh kan ni tih hriat reng tur a ni. Inkhawm hunlai a hmun dang, khawlai, Cinema hall, party-na leh dai vela kan lo awm daih a nih chuan kan thianghlim lo tihna a nih chu. Thilsual tak kan ti a nih lem loh pawhin Kristiante awmna tur ni awm lo takah kan thut vung hian Pathian mithmuhah mi bawlhlawh kan ni thei. Kristian tleirawl te hi zu hmunah emaw, pawisa khelhna hmun – tombola leh playing card khelna hmuna kan awm ve reng hi a mawi lo mai a ni lo va, kan Pathian leh midangte mit ti mim theitu bawlhlawh kan ni thei a ni tih hriat reng tur a ni.

FAINA:

        Fai hi Pathian anna a nih a vangin kan sawi hmaih thei hauh lo vang. Fai hi Pathian thu nen a inrem mai bakah kan changkan leh changkan loh tehna \ha ber a ni tih kan hriat reng a \ha. Hnam fing leh changkang a piang an felfai a, mimawl leh changkang lo a piang an che \awp thung. Kristian nun hian thianghlimna a phut tlat a vangin Kristian tleirawl chu a in vawngfai tur a ni. Kan theih ang tawkin kan taksa kan vawng fai tur a ni, tleirawl lai hian rim a chhe hma em em mai a, nitin inbual fai thin tur a ni. Tui harsatna avang emaw a nitin kan inbual theilo a nih pawhin taksa kumkar e.g. Zak hnuai leh kap bawr vel tal chu kan silfai thin tur a ni. Hei hi kan taksa hrisel nan pawh a pawimawh a ni.

        Tin, kan taksa chauh niloin kan thuamhnaw, kan pindan leh kan in leh a vel thlengin kan vawng fai tur a ni. I taksa fai viau mahse I pindan a tawp nuai si chuan I mualpho tho. Tleirawl awm ve tawhna inchhung a \awp viau chuan an nu leh pa te ni lovin tleirawl kha a mualpho a ni. Kawng tinrengah faina kawng a hma kan sawn hian  kan Kristian nun chauh ni lovin, kan ram leh hnam hian hma a sawn a ni tih I hre reng ang u.

        Kan thianghlimna tur kawng dang tam tak sawi tur awm mahse kan mamawh zual, mipat hmeichhiatna leh ruihhlo chung changte kan zirlai thupuiah kan hman dawn tho avangin, tun tum a tan chuan kan duh tawk mai ang a. Thianghlimna hi ngenna ni loin Pathian thuin min phut leh kan bat a ni tih i hre fo ang u.

 C.LMAWIA

FROM;YANGON